Nurəddin Məmmədli: "Səyləri birləşdirməyə ehtiyac var, ayrılmağa, bölünməyə yox"

Milli Şura 12 oktyabr mitinqindən sonra deyəsən, Müsavat Partiyası da mitinq keçirmək qərarına gəlib. Artıq bu istiqamətdə müzakirələr başlayıb.
Bu barədə “Gunpress.az” saytına açıqlama verən AXCP sədrinin müavini Nurəddin Məmmədli deyib ki, bu cür məsələlər partiyanın səlahiyyətli orqanlarında müzakirə olunmalıdır.

Qeyd edək ki, Müsavat Partiyasının rəhbərliyi Milli Şuranın 12 oktyabr mitinqinə qatılmışdılar. AXCP üzvlərini fərdi şəkildə Müsavatın mitinqinə qatılıb-qatılmayacağına gəlincə, Nurəddin bəy “Hesab edirəm ki, özünü müxalifət hesab edən partiyalar ümummilli məsələlərdə birlik çərçivəsində fəaliyyət göstərməlidirlər. Milli Şuranın siyasi məhbuslarla bağlı apardığı mübarizəni heç kim dana bilməz. Ona görə də, səyləri birləşdirməyə ehtiyac var, ayrılmağa, bölünməyə yox”, – söyləyib.