Novruz Aslanov seçiciləri qəbul etdi

Millət vəkili Novruz Aslanov ölkədə epidemioloji-sanitar vəziyyəti nəzərə alaraq, deputat seçildiyi İsmayıllı rayon sakinlərinin xüsusi rejimli karantin dövründə ehtiyaclarının qarşılanması məqsədilə hər həftə onunla telefon əlaqəsi saxlamağa şərait yaratmışdır.

Telefon vasitəsilə edilən müraciətlərə baxılaraq müvafiq tədbirlər həyata keçirilir. Bu məqsədlə millət vəkili hər həftə İsmayıllı rayonuna gedərək mövcud problemlərlə maraqlanır və imkanları daxilində köməklik edir. İyun ayının 4-də Novruz Aslanov İsmayıllı rayonuna növbəti səfərini edib. İsmayıllı şəhərində yerləşən ofisində sanitar tələblərə riayət olunaraq öz seçicilərini qəbul edib. Qəbula gələn hər bir sakin görüşdən öncə qoruyucu maskalarla təmin edilib. Bəzi məsələlər yerindəcə həll edilib. Digər məsələlər qeydə alınaraq, əlaqədar qurumlara göndərilməsi nəzərdə tutulub.