Ceyhun Osmanlıdan toy məclisində ŞOK açıqlama

Millət vəkili, “İrəli” təşkilatının lideri Ceyhun Osmanlının Fətullah Gülənçilərlə əlaqələrindən sonra hakim dairədə bütün nüfuzunu itirib. Hətta Fətullahçılar söhbəti ilk dəfə siyasi mətbəxtdə ortaya çıxanda millət vəkili “Azadlıq” radiosunun müxbiri Xədicə İsmayılın səsini yazaraq özünü oyundan çıxartmaq istəmişdi. Amma ortada olan milyonlarla manat pul onun oyundan çıxmasına mane oldu.

Ən maraqlısı isə budur ki, Ceyhun Osmanlıya maliyyə ayıranlarla Xədicə İsmayıla maliyyə ayıran qaynaq kök etibarı ilə eyni xarici donor olubmuş. Xədicə İsmayıla dəstək üçün isə Ceyhun Osmanlının kartları ortaya çıxarılıb. Bütün bunlardan sonra Ceyhun Osmanlının sistemli şəkildə siyasətdən uzaqlaşaraq, əyləncəyə meyilləndiyi və bunu nümayişkarənə şəkildə etdiyi söylənilir.

"Gunpress.az"a daxil olan məlumata görə, bu günlərdə isə olduğu toylarda həddindən artıq çox spirtli içki qəbul edərək, "mandatın zamanı çatsın bu ölkədən gedim"-dediyi də telefonlara yazılıbmış.

Məsələylə bağlı Ceyhun Osmanlı ilə əlaqə saxlasaq da, nəticə olmadı. İnanırıq ki, demokratiyaya, söz azadlığına hörmətlə yanaşdığını bəyan edən Ceyhun Osmanlı saytımıza bunlarla bağlı açıqlama verəcək.

Gunpress.az