.jpg)
.jpg)
“Hökumət üzvlərinin əksəriyyəti getməlidir” – Kadr islahatlarına reaksiya
Tarix: 21-06-2019 15:39
“Prezident kimi məsləhət bilir, onu da vəzifəyə təyin edir, ya yerini dəyişir, ya da iştən kənarlaşdırır. Ona görə də onun qərarı müzakirə olunmur”.
Bu fikirləri Günpress.az-a açıqlamasında Müasir Müsavat Partiyasının sədri Hafiz Hacıyev səsləndirib. O bildirib ki, Əli Nağıyevin DTX-ya rəis təyinatı uğurlu qərardır:
“Ramil Usubov da uzu illərdir ki, daxili işlər naziri kimi çalışırdı. Hər halda, Prezidentin etimadını qazandığı üçün bu qədər həmin vəzifədə saxlanıb. Ümumiyyətlə, hüquq-mühafizə orqanlarının rəhbər şəxslərinin dəyişikliyi mühüm hadisədir. Amma dediyim ki, bu, Prezidentin səlahiyyətində olan məslədir, kiminlə işləmək istəyirsə, onların üzərində seçim edir”.
Partiya sədri onu da qeyd edib ki, hakim komanda da yola salınacaq şəxslər çoxdur:
“Hökumət üzvlərinin əksəriyyəti getməlidir. “Qaçqınkom”un keçmiş sədri getməlidir. Övladları xarici ölkə vətəndaşı olan nazir, nazir müavinləri, komitə sədrləri var. Bu adamlar yola salınmalıdır. İqtisadi, sosial sahələrdə vəziyyət acınacaqlıdır. Yeni kadrlar özlərini doğrultmadı. Yenə deyirəm, ölkədə narazılığın artmasını istəyən məmurlar var ki, hər an ölkədə qarışıqlıq salmağa hazırdırlar. Ona görə də dövlətə, dövlətçiliyə, Prezidentə sözdə yox, əməldə sadiq qüvvələr hakimiyyətdə təmsil olunmalıdırlar. Ölkəmizə kənardan da təhdidlər var. Bu səbəbdən də milli qüvvələr hakimiyyətdə olmalıdır ki, dövlət və millət maraqların üstün tutsunlar”.
Seçilmişlər
Ən çox oxunanlar
