“Ay Məmmədyarov, bu 30 ildə sən nə əldə etmisən?” – Nazirdən tələb

“Nə qədər ki, Elmar Məmmədyarov Azərbaycanın xarici işlər naziridir, Qarabağ məsələsi müsbət həllini tapmayacaq”.

Bu fikirləri GÜNpress.az-a açıqlama verən MMP sədri səsləndirib. O bildirib ki, Elmar Məmmədyarov son dövrlər nə danışır, heç özü də bilmir:
“Nazir rrməni jurnalistə deyir ki, 30 ildir ki, Ermənistan nə qazanıb? Ermənilər 20 faiz torpaqlarımızı işğal edib. Şuşada, Kəlbəcərdə tikinti işləri aparırlar. Bundan artıq nə olmalıdır? Ay Məmmədyarov, bu 30 ildə sən nə əldə etmisən? Əvvəlcə bu suala cavab ver. Bu adamın yanaşması budur. Belə çıxır ki, nazirimiz hələ də bizim itkimizin nə olduğunu dərk eləmir. Burada hər şeydən öncə ərazi bütövlüyü məsələsi qoyulmalıdır. Bunlar məsələni düzgün qoya bilmirlər. Azərbaycanın əsas mövqeyini ifadə etmək lazımdır. Məmmədyarov turist kimi təyyarələrdə gəzir, o dövlətdən, bu dövlətə gedir. Qarabağ məsələsi həll oldu, olmadı, onu elə də çox maraqlandırmır”.


Partiya sədri onu da nəzərə çatdırıb ki, münaqişəni həlli istiqamətində aparılan danışıqların itiqaməti də dəyişdirilməlidir. Onun qənətincə, Azərbaycan sərt üzünü də göstərməlidir:
“Elmar Məmmədyarov bu missiyanı yerinə yetirmək gücündə deyil. Ona görə də millət özü düşünməlidir ki, Qarabağı itirir. Özü tərpənib, öz ərazi bütövlüyünü bərpa etməlidir. Göyçəni, Zəngəzuru, Borçalını itirdik. Qarabağı da itirə bilərik. Odur ki, cəmiyyət bu məsələyə son nöqtəni qoymalıdır. Qondarma Dağlıq Qarabağ Respublikasını ABŞ-ın 9 ştatı tanıyıb. Onların yalançı diplomatiyası nəticə verir. Amma Məmmədyarov bir erməni jurnalistini susdura bilmir. Xarici işlər nazirimiz bu qədər səriştəsiz olandan sonra çox şeyi itirə bilərik. Ona görə millət öz mövqeyini bildirməlidir. Bütün milli qüvvələr vahid mövqeyə gəlib sözünü deməlidir”.