"Azərbaycan xalqı hakimiyyət daxilində olan ermənilərlə heç vaxt barışmayacaq" - Partiya sədri

“İstərdim ki, sentyabr ayında erməni faşistləri üzərində qələbə günümüzü qeyd edək və bununla da bir daha Azərbaycan xalqının qəhrəmanlığı sübuta yetirilsin”

Bunu Moderator.az-a açıqlamasında Müasir Müsavat Partiyasının sədri Hafiz Hacıyev 9 may qələbə günü haqda danışarkən deyib. H.Hacıyev bildirib ki, artıq bu cür qələbəni erməni faşistləri üzərində çalmağın vaxtı çatıb:

“Təbii ki, Azərbaycan xalqı həmişə qəhrəman xalq olub. Bütün dövrlərdə, müharibələrdə öndə olublar. 9 may qələbə gününə də xalqımız öz töhfəsini verib. Müharibədə Sovet hökumətinin duruş gətirməsində xalqımızın çox böyük rolu olub. Amma çox təəssüf ki, bu gün torpaqlarımız işğal altındadır və o xalq elə bil yatıb, sanki başqa xalqdır. Mən xalqımı 9 may qələbə günü münasibətilə təbrik edirəm. İstərdim ki, sentyabr ayında erməni faşistləri üzərində qələbə günümüzü qeyd edək və bununla da bir daha Azərbaycan xalqının qəhrəmanlığı sübuta yetirilsin. Baxmayaraq ki, sovet hökuməti bizim sərvətimizi talan etdi, amma müharibədə qələbə çalmalarına görə generallarımızın, hərbçilərimizin xüsusi xidmətləri olub.

İstərdim ki, bu gün o xidmətləri Dağlıq Qarabağda erməni faşistlərinin üzərində qələbə çalmağımızla sübut edək. Həqiqətən də türk milləti həmişə qəhrəman olub və bu gün də qəhrəmandır. Bəzən bizi səriştəsiz rəhbərlərin vasitəsilə qorxudurlar ki, guya Azərbaycan xalqı döyüşkən deyil, amma biz bunu bir daha sübut etmişik, buna haqqımız var və bundan sonra da sübut etməyə haqqımız var. Bütün dünya da bunun şahidi olmalıdır. Müharibədə şəhid olan qəhrəmanlarımıza Allahdan rəhmət diləyirəm. Amma Azərbaycan xalqını səsləyirəm ki, gəlin iki-üç aya hazırlaşıb erməni faşistləri üzərində qələbə çalıb, bayrağımızı Xankəndi üzərində ucaldaq. Şuşada Cıdır düzündə böyük mərasimlər keçirək, Xankəndini paytaxt elan edək, qoy dünyada erməni faşistlərini müdafiə edən dövlətlər də görsün ki, Azərbaycan xalqı qəhrəman xalqdır, heç vaxt torpağını ermənilərə verməyəcək, Azərbaycan hakimiyyəti daxilində olan ermənilərlə heç vaxt barışmayacaq”.