Rövşən Məmmədov ailəvi dostuna yüksək vəzifə verdi - AzTV-də daha bir təyinat

Dövlət televiziyasının rəhbəri daha bir ailəvi dostunu məsul vəzifəyə təyin edib.

GÜNpress.az bakupost.az-a istinadən xəbər verir ki, Azərbaycan Televiziya və Radio Verilişləri QSC (AzTV) sədri Rövşən Məmmədov bu yaxınlarda telekanalın “Səhər musiqi informasiya proqramları Baş Redaksiyası”nın Baş redaktoru vəzifəsindən ayrılan tanınmış telejurnalist Rəşad Mehdilinin xələfini müəyyənləşdirib.

Rövşən Məməmmədov bu posta ailəvi dostu, uzun müddət “Xəzər” TV-də çalışmış və yeni rəhbərliyin (Murad Dadaşov) gəlişindən sonra oradan ayrılmış Turan Babayevi təyin edib.