“Reytinq” qəzeti 3 min manat yardımdan imtina etdi

 

Bu qərardan sonra həftəlik "Reytinq” qəzeti də fəaliyyətini dayandırıb. Mia.az-ın məlumatına görə, "Reytinq”in KİVDF ilə müqaviləsinə əsasən fevral-mart aylarında çap olunmaq imkanı olsa da, redaksiya iki ayın maliyyəsindən (üç min manat) imtina etmək qərarı verib.

Məsələ ilə bağlı Mia.az-a açıqlama verən "Reytinq”in baş redaktoru Afiq Mirzəbəyli bunu tədiqləyib. Bildirib ki, hazırkı şərtlər çərçivəsində qəzetin fəaliyyətini davam etdirmək mənasızdır. O, "Reytinq”in onlayn fəaliyyətini gücləndirəcəklərini bildirib. Baş redaktor deyib ki, bəzi mütəxəssislərlə Reyting.az saytının yenidən qurulması və saytın onlayn medianın daha müasir tələblərinə cavab verməsi üçün danışıqlar aparır.

Baş redaktor sonda "Reytinq” qəzetinin sadiq oxucularından və artıq 20 ildən çoxdur ki, bu redaksiya ilə əməkdaşlığını dayandırmayan şəxslərdən üzrxahlıq edib.