Ünvanlı sosial yardımla bağlı narazılıq - Əjdər Cəbiyevin kadrından ŞİKAYƏT

Ünvanlı sosial yardımın verilməsi prosesində narazılıq davam etməkdədir. Redaksiyamızın elektron poçtuna məktub göndərən bir qrup Sumqayıt sakini Əmək və Əhalinin Sosial Müdafiəsi Nazirliyinin yerli qurumundan narazılıqlarını bildiriblər.

Şikayətçilər qeyd edirlər ki, Dövlət Sosial Müdafiə Fondunun Sumqayıt şöbəsinin ünvanlı dövlət sosial yardım təyinatı sektorunun müdiri vəzifəsinə yeni təyin olunan İlkin Mikayılov onlara qarşı haqsızlıq edir:
“Əvvəlcə nəzərinizə çatdıraq ki, İlkin Mikayılov Suraxanıdan Sumqayıta transfer olunduğu gündən ehtiyacı olan ailələrin ünvanlı sosial yardımla bağlı müraciətlərinə imtina gəlir. Yersiz sualların verilməsi, ehtiyac oldu-olmadı yoxlamaların aparılması və digər hərəktlərlə insanları incidir. Eşitdiyimizə görə, İlkin Mikayılov Suraxanıda “2 aylıq” ayaması ilə tanınırmış. Görünür, həmin qaydanı Sumqayıtda da tətbiq etmək istəyir. Ona görə də saytınız vasitəsiylə müraciət edirik ki, ünvanlı sosial yardımın verilməsi prosesində İlkin Mikayılovun yaratdığı süni əngəllərə son qoyulsun”.

O da bildirilir ki, İ.Mikayılov ƏƏSMN-nin sabiq aparat rəhbəri Əjdər Cəbiyevin yaxın kadrlarından olub. Onun dövlət qulluğuna qəbul imtahanını keçmədən sektor müdiri vəzifəsinə qalxması maraqlı məqamlardandır. Yəqin ki, İ.Mikayılova belə bir imkanın yaradılmasında sabiq aparat rəhbərinin rolu olub.
Maraqlı məqamlardan biri də odur ki, yeni nazir Sahil Babayev Əjdər Cəbiyevin kadrını necə vəzifədə saxlayıb.

P.S.
Qarşı tərəfin fikirlərini yaymağa hazırıq.