Parkda qadına söz atan Aşıq Namiq DÖYÜLDÜ
Tarix: 13-11-2023 11:58
Tanınmış musiqiçi Aşıq Namiq (Hüseynov Namiq Cəbrayıl oğlu) döyülüb.
“Qafqazinfo”nun əldə etdiyi məlumata görə, hadisə Nərimanov rayonunun Dədə Qorqud parkında baş verib. S.Babayev (şərti soyad) 1982-ci il təvəllüdlü Namiq Hüseynovun anası, 1967-ci il təvəllüdlü R.Babayevaya söz atdığını bildirib.
O, Aşıq Namiqə irad bildirib və mübahisə zəminində dava-dalaş düşüb. Daha sonra tərəflər mübahisəni Nəsimi rayonu ərazisində davam etdiriblər.
Hadisədən sonra S.Babayev və Aşıq Namiq Nəsimi RPİ-nin 21-ci Polis Bölməsinə şikayət ediblər. Onların ikisi də döyüldüyünü bildirib.
Hazırda araşdırmalar davam etdirilir.
Qeyd edək ki, hadisə barədə ilk məlumatı oxu.az saytı yayıb.
Seçilmişlər
Ən çox oxunanlar
