Polis Bakıda əməliyyat keçirdi, quldur dəstəsi zərərsizləşdirildi

Bakıda quldurluqda şübhəli bilinən dəstə üzvləri tutulub.

Sentyabrın 30-da Rəşad Quliyevin evindən quldurluq yolu ilə 1200 manat, 200 ABŞ dolları, qızıl əşyaları və ov tüfəngi aparılıb.

Baş Cinayət-Axtarış İdarəsi və Xəzər Rayon Polis İdarəsi 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakinləri, əvvəllər məhkum olunmuş şəxslər - Salman Zeynalov, Mircavid Mirbağırov, Yaşar Yusifov, Şamil Quliyev və Cəlilabad rayon sakini Mais Abıyev saxlanılıblar.

Faktla bağlı araşdırma aparılır.