Boşanmaq istəməyən kürəkən qayınatasını bıçaqladı - TƏFƏRRÜAT

Xəbər verdiyimiz kimi, Bərdədə kürəkən qayınatasını bıçaqlayıb.

Unikal.org baş verən bıçaqlanma hadisəsinin təfərrüatını öyrənib.

Mirzəxan kənd sakini 1960-cı il təvəllüdlü Rizvan Məmmədovun qızı Nuranə Quliyeva Ağdam rayonundan məcburi köçkün olan Quliyev Rəhman Baxşeyiş oğlu ilə ailə qurub. Bu nigahdan onların 2 azyaşlı oğlu və bir qızları var. Rəhman Quliyev Bakıda qeydiyyatda olsa da, Mirzəxan kəndində həyat yoldaşının adına ev alıb, həmin kəndə yaşayıblar. Son 3-4 aydır ki, ailələrində problem yaranıb. Kənd sakinlərinin məlumatına görə, ər həyat yoldaşını söyüb, təhqir edirmiş. Buna görə də qızın ailəsi onu boşatdırmaq niyyətində olub. Bununla barışmaq istəməyən Quliyev Rəhman Baxşeyiş oğlu bu gün səhər qaynatasının həyətinə daxil olaraq onu bıçaqlayıb. Xəsarət alan Məmmədov Rizvan Rza oğlu Bərdə Mərkəzi Rayon Xəstəxanasına çatdırılıb. Reanimasiya şöbəsinə yerləşdirilib.

Faktla bağlı Rayon Polis Şöbəsində araşdırma aparılır.