Mərkəzi Bank pul siyasəti icmalını açıqlayıb

2019-cu ilin 1-ci yarısı üzrə Pul Siyasəti İcmalı bəlli olub.

Mərkəzi Bankın açıqladığı icmalda bildirilir ki, ölkə bankları tərəfindən nağd xarici valyutanın alqı-satqısı üzrə aparılmış əməliyyatların həcmi hesabat dövründə 2.7 mlrd. ABŞ dolları ekvivalentindədir. Bunun 2.1 mlrd. dollarını və ya 77.8 faizini ABŞ dolları ilə aparılmış əməliyyatlar təşkil edib.

Müqayisə üçün qeyd edək ki, 2018-ci ilin 1-ci yarısında banklar tərəfindən nağd xarici valyutanın alqı-satqısı üzrə aparılmış əməliyyatların həcmi 3.2 mlrd. ABŞ dolları ekvivalentində təşkil edib. Bunun 2.5 mlrd. dolları və ya 78 faizi ABŞ dolları ilə aparılmış əməliyyatlardır.