Problemli kreditlərə görə təzminat alacaq şəxslərin SİYAHISI AÇIQLANDI

Maliyyə Bazarlarına Nəzarət Palatası (MBNP) problemli kreditlər üzrə təzminat alacaq bütün vətəndaşların siyahısını rəsmi saytda (https://pk.fimsa.az/) açıqlayıb.

Bunu Maliyyə Bazarlarına Nəzarət Palatasından bildiriblər.

Qeyd edək ki, fevralın 28-də Prezident İlham Əliyev Azərbaycanda fiziki şəxslərin problemli kreditlərinin həlli ilə bağlı əlavə tədbirlər haqqında fərman imzalayıb. Fərmana uyğun olaraq "10 000 (on min) ABŞ dollarınadək, milli valyutada isə 17 000 (on yeddi min) manatadək əsas kredit borcu olan fiziki şəxslərin gecikmədə olan borcları uzunmüddətli və aşağı faizli kreditlərlə əvəzlənəcək və restrukturizasiya olunacaq. Sənəd 800 min nəfəri əhatə edəcək.

****
Maliyyə Bazarlarına Nəzarət Palatasının mətbuat katibi Elşən Allahverdiyev Modern.az-a bildirib ki, portalda problemli kreditlərin sorğulanması bölümündə yenilənmə işləri başa çatıb:
"Saytda "Kompensasiya məbləğinin sorğulanması” bölümündə bəzi vətəndaşlar öz məlumatlarını daxil edərkən, "məlumatlarınız yenilənir” cavabını alırdı. Bu gündən etibarən məlumatlar yenilənib. Fərmanla adları kompensasiya, yaxud restrukturizasiyaya düşənlərin adı "Kompensasiya məbləğinin sorğulanması” bölümündə var. Fəliyyətdə olan və bağlanmış banklardan kredit götürən və fərmandan yararlanacaq şəxslər həmin bölümdə məlumat əldə edə bilərlər”.

E.Allahverdiyev qeyd edib ki, Fərman milyona yaxın əhaliyə şamil olunur.