.jpg)
.jpg)
“Özəl sektorda belə həyasız idarəçilik görməmişdim” – Azərcell-in texniki “nasazlığı”
"Azercell şirkəti vətəndaşlara qarşı daha bir oğurluq, dələduzluq edib və dünəndən niyə susurlar?”.
GÜNpress.az xəbər verir ki, bunu ictimai fəal Bəxtiyar Hacıyev yazıb.
O, bildirib ki, Azərcell abunəçilərə kontur pay götürmək imkanı verib, özlərində texniki səhvləri olub, abunəçilər də həmişə onlardan oğurluq etmiş bu şirkətin səxavətinə seviniblər, pay verilən konturları istifadə etməyə başlayıblar: "Sonra Azercell abunəçilərin balansında nə pul varsa, hamısını silib, hələ müştərilərə borc da yazıb ki, bizim pay verdiyimiz konturlarla danışmısan, davay, qaytar, əclaf müştəri...
Müştərilərini məhkəmə ilə hədələyirlər, öz günahlarına və ya düşünülmüş planlarına görə. Qısacası, növbəti abırsızlıq...”.
B. Hacıyev bildirib ki, Azercell müştərilərindən bu hal kiminsə başına gəlibsə, hüquqi dəstək tapmağa və onları məhkəməyə verməkdə kömək edə bilər:
"Özləri illərdir milyonlarla abunəçinin balansından qəpik-qəpik, manat-manat oğurlayırlar, indi bir dəfə öz səhvlərinə görə müştərilər 5-10 manat artıq istifadə edib, üzlərini cırırlar. Dövlət milyarlarla pul ayırır, dövlətin etdiyi devalvasiyaya görə vətəndaşın minlərlə dollar yük altına düşməməsi üçün addımlar atır ki, əhali narazı qalmasın. Azercell isə əhaliyə bu məqamda əlavə borc yükləyir, məhkəmə ilə hədələyir. Mən hələ özəl sektorda belə həyasız idarəçilik görməmişdim”.
Qeyd edək ki, yaranan durumla bağlı şirkət açıqlama yayıb. Açıqlamada deyilir: "Azercell Telekom şirkətinin "Paycell” xidməti çərçivəsində baş vermiş texniki nasazlıqdan sui istifadə edən bəzi nömrələrin balansına yanlış vəsaitlərin əlavə edilməsi halları qeydə alınmışdır. Yanlış yükləmələr edilən nömrələrə balansdan çıxılma haqda məlumat təqdim edilərək səhvən yüklənən vəsaitlər müvafiq nömrələrin balansından silinmişdir.
Azercell Telekom gələcəkdə bu kimi halların qarşısını almaq üçün lazımi tədbirlər görməklə yanaşı abunəçilərə hər hansı bir xidmətin istifadə şərtlərinə diqqət yetirməyi tövsiyyə edir”.(Yeni sabah)
