“SAB” halallıqla təbiətdən süfrənizə

Azərbaycanın qida sektorunda öz keyfiyyəti ilə seçilən “SAB” şirkəti Xırdalanda yerləşən istehsalat zavodunun qapılarını aşpazlar,tələbələr və KİV nümayəndələri üçün açdı.

Qonaqlara məlumat verildi ki, yerli şirkət olan “Zəhmət-Ruzi” Məhdud Məsuliyyətli Cəmiyyəti 1998-ci ildən fəaliyyət göstərir. Hazırda 3 hektardan artıq ərazidə yerləşən şirkət ən müasir avadanlıqlarla təchiz edilmiş laboratoriyalar, istehsal sexləri,anbar və daşınma sistemlərinə malikdir. İstehsalın əksər hissəsi avtomatlaşdırılıb , alman və italyan texnologiyalarından istifadə olunur.

”Zəhmət-Ruzi” ailəsində bugün müxtəlif sahələr üzrə 150-yə yaxın yüksək ixtisaslı mütəxəssis çalışır.İki sahədə – ət və süd məhsullarının istehsalı ilə məşğul olan şirkətə istehsal üçün əsas xammal məhsulları Azərbaycanın səfalı bölgələrindən gətirilir. İslam qanunları əsasında hazırlanan, ekolojı təmiz, yüksək keyfiyyətli “SAB” ət və süd məhsulları öz alıcılarına beynəlxalq standartlara uyğun şəkildə olan faydalı maddələr və minerallarla zəngin olan məhsullar təqdim edir.


Şirkətin istehsalat zavodu ilə ətraflı tanış olan iştirakçılar daha sonra keçirilən seminarda da iştirak etdilər.Qonaqların nəzərinə çatdırıldı ki, ilk dəfə “SAB” şirkəti tərəfindən «KXN» – Keyfiyyətlə Xüsusi Nəzarət sisteminin tədbiqindən sonra «SAB» ticarət nişanı Azərbaycanın ət və süd bazarının 50%-ni nəzarətə götürüb. Eyni zamanda şirkət “SAB” ticarət nişanı «AZS» – Keyfiyyət, İdarəetmə Standartının sertifikatına layiq görülüb.



“Zəhmət- Ruzi” MMC-nin “SAB” nişanlı kolbasa və süd məhsullarının istehsalı Azərbaycan istehlakçılarının Qida Təhlükəsizliyi Nişanı (AİQTN) proqramının tələblərinə uyğun olduğuna görə PLATİN səviyyəli Qida Təhlükəsizliyi Nişanına layiq görülmüşdür. İstehsalda yalnız təzə,yerli ət və süd məhsullarından istifadə edən müəssisə sağlam qidalanma üçün ən düzgün seçimdir.Bildirildi ki, Qafqaz Müsəlmanları İdarəsi, Azərbaycanda ilk dəfə olaraq, islamın bütün qaydalarına uyğun, halallıq prinsipləri ilə hazırlandığına görə «SAB» ticarət nişanlı məhsulların keyfiyyətinə təminat vermişdir. Tədbirin sonunda iştirakçılar sertifikatlarla təltif edildi ,onlara “SAB”dan məhsullar təqdim edildi.