Neftçi" və "Qəbələ"nin potensial rəqibləri bəlli olub

Neftçi" və "Qəbələ"nin UEFA Avropa Liqasının II təsnifat mərhələsindəki potensial rəqibləri bəlli olub.

GÜNpress.az xəbər verir ki, "Neftçi" I mərhələdə Moldovanın "Sperantsa" kollektivini mübarizədən kənarlaşdıracağı təqdirdə, Rusiyanın "Arsenal" (Tula) komandası ilə, "Qəbələ" isə "Dinamo" (Tbilisi, Gürcüstan) / “La Fiorita” (San-Marino) / “Enqordani” (Andorra) cütünün qalibi ilə qarşılaşacaq.

Qeyd edək ki, Avropa Liqasında I təsnifat mərhələsinin oyunları 11-18 iyulda, II təsnifat mərhələsi isə 25 iyul-1 avqustda keçiriləcək.