Generaldan növbəti rəis təyinatları-siyahı

Səfərbərlik və Hərbi Xidmətə Çağırış üzrə Dövlət Xidmətinin rayon şöbələrində növbəti kadr dəyişiklikləri olub.

“Gunpress.az” virtualaz.org-a istinadən xəbər verir ki, xidmətin rəisi, general-leytenant Arzu Rəhimovun müvafiq əmri ilə Dövlət Xidmətinin Qusar rayon şöbəsinə yeni rəis təyin olunub.

Qusar rayonunun keçmiş rəisi isə Yevlax rayonuna rəis göndərilib. Yevlax rayon şöbəsinin rəisi də öz növbəsində Şəmkir rayonuna eyni vəzifəyə göndərilib.

Qeyd edək ki, Şəmkir rayonunun rəisi bir neçə gün əvvəl vəzifədən azad edilərək sərəncama götürülmüşdü.

Gəncənin Kəpəz rayon şöbəsinin rəisi də vəzifədən azad edilərək sərəncama göndərilib. İmişli və Saatlı rayon şöbələrinin rəisləri də yaş həddi ilə əlaqədar təqaüdə göndəriliblər. Hazırda bu üç rayon şöbəsinin rəisi vəzifəsi boşdur.