Azərbaycan Macarıstanla strateji əməkdaşlıq sazişi imzaladı

Azərbaycan və Macarıstan bu gün strateji tərəfdaşlıq üzrə bəyannamə imzalayıblar.

Bu barədə "Trend" "Budapest Business Journal"a istinadən məlumat verir.

Bu gün Budapeştdə Azərbaycan prezidenti İlham Əliyevin Macarıstanın baş naziri Viktor Orbanla görüşü olub.

V.Orban görüşdə deyib ki, Azərbaycan qazının tədarükü Macarıstan və bütün Avropanın marağındadır. Onun sözlərinə görə, mövcud müqavilələr Azərbaycan qazının Şərqi Avropaya tədarükünü təmin edir, lakin qazın Mərkəzi Avropaya nəqli üçün də şərait yaradıla bilər.

Baş nazir Avropa İttifaqının üzv ölkələrini "ilk addım" qismində vahid enerji bazarını yaratmağa və ölkələrin qaz şəbəkəsini birləşdirməyə çağırıb.