"Yəqin, İlqar özünə yağlı qapı tapıb"

“Biz onu bacısı həbsdə olanda belə işdən çıxartmamışdıq”
Milli.Az xəbər verir ki, bu sözləri azxeber.com-a açıqlamasında ANS televiziyasının prezidentinin ictimai əlaqələr üzrə müşaviri Mais Məmmədov söyləyib.

O, “Günəbaxan” verilişinin aparıcısı İlqar Mikayıloğlunun ANS-dən çıxması xəbərini təsdiqləyib:

“Biz onu bacısı həbsdə olanda belə işdən çıxartmamışdıq. Hələ bizə bununla bağlı suallar da verirdilər. ANS rəhbərliyi hər zaman onun yanında olub. İndi özü ərizəsini yazıb və çıxıb gedib. Onunla rəhbərlik arasında heç bir narazılıq olmayıb. İşdən çıxmasının səbəbini biz də bilmirik. Yəqin, özünə yağlı qapı tapıb, kim bilir”.

Mais Məmmədovun bu açıqlamasına aparıcı İlqar Mikayıloğlu mövqe.az vasitəsilə cavab verib:

"Allah onun köməyi olsun. Yaşlı kişidir. Vallah yağlı qapı olduğunu da bilmirdim, ondan eşitdim. ANS-ə heç vaxt qayıtmayacağam. Başqa telekanalda da işləyib, işləməyəcəyim dəqiq deyil. Bu dəqiqə qolumun hayındayam".

Xatırladaq ki, aparıcı İ. Mikayıloğlunun sentyabrın 1-i ANS telekanlı ilə arasında bağladığı müqavilənin vaxtı tamamlanıb. Aparıcının özü dediyinə görə, işdən çıxmasına səbəb səhhətində yaranan problemlərdi.