İcra başçısından kütləvi narazılıq, Qoca Səmədovdan Prezidentə şikayət olunacaq

Son zamanlar Azərbaycanın qərb bölgəsində, əsasəndə Gəncədə həyata keçirilən quruculuq işləri hakimiyyətin ən yuxarı eşalonlarında belə yüksək qiymətləndirilib. Prezident İlham Əliyevin bu bölgəyə dəfələrlə səfəri olub. Amma deyəsən, bu bölgəni gülünc duruma salan rayonda tapılıb. Söhbət Yevlax rayonundan gedir.

“Gunpress.az” saytına daxil olan məlumata görə, Qoca Səmədov Yevlax rayonuna icra başçısı təyin olunandan sonra rayonun qara günləri başlayıb. Öncələr bu rayona Gəncənin hazırkı icra başçısı Elman Vəliyev rəhbərlik edəndə rayonda hər şey qaydasında olub və əhalinin dolanışığı üçün iş yerləri açılıb, fermer təsərüfatının yaradılmasına imkanlar tanınıb. Amma Qoca Səmədov icra başçısı təyin olunandan sonra işadamlarının incidilməsindən tutmuş, gəlirli biznes strukturlarının ələ keçirilməsi prosesi başlayıb. “Gunpress.az” saytına daxil olan məlumata görə, rayon sakinləri bununla bağlı hara müraciət etsələrdə heç bir nəticə olmayıb. Ümidləri yalnız prezidentədir. Bildirilir ki, yerli sakinlər Qoca Səmədovun əməlləri ilə bağlı yüzlərlə məktub hazırlayıblar və ümid edirlər ki, nə zamansa prezident İlham Əliyev bölgəyə səfər edərsə şokayətlərini bir başa təqdim etsinlər.

Bunu da qeyd edək ki, Yevlax rayonu həm də "ölü canlar"ın ən çox olduğu rayondur. Belə ki, rayondakı büdcə təşkilatlarında yüzlərlə şəxsə əmək haqqı verilsə də, heç biri faktiki işə getmir. Bununla bağlı bağlı araşdırmalarımız olacaq.