“Erməni psixologiyası” kitabının təqdimatı oldu

Bu gün Milli Elmlər Akademiyasının İnsan Hüquqları İnstitutunda jurnalist, institutun əməkdaşı Eldəniz Elgünün "Erməni psixologiyası” kitabının təqdimatı olub.

Gunpress.az xəbər verir ki, tədbirdə çıxış edən Milli Elmlər Akademiyasının vitse-prezidenti, millət vəkili İsa Həbibbəyli bildirib ki, bu gün prezident İlham Əliyevin tapşırığı ilə ermənilərin saxtakarlıqları, qondarma erməni soyqırımının ifşası istiqamətində akademiyada ciddi işlər görülüb.
O, "Erməni psixologiyası” kitabınıda bu işin tərkib hissəsi kimi dəyərləndirib və deyib ki, bu səpkidə ilk yazılan kitab xüsusi əhəmiyyət daşıyır. Akademik müəllifə buna görə təşəkkürünü bildirib və bu istiqamətdə araşdırmaların davamlı olmasını qeyd edib.

Daha sonra millət vəkili Qənirə Paşayeva çıxış edərək "Erməni psixologiyası”nı ciddi araşdırma işi kimi dəyərləndirib: “Bu kitab ilk nümunədir və bununla bütün dünyaya ermənilərin əsl kimliyini göstərə bilərik. Hesab edirəm ki, kitab başqa dillərə də tərcümə olunmalıdır. Bununla bağlı artıq işlər həyata keçirilib və yaxın günlərdə "Erməni psixologiyası” kitabı Türkiyədə çap ediləcək”.

"Erməni psixologiyası”nın müəllifii Eldəniz Elgün çıxış edərək, yaxın zamanlarda kitabın həm də ingilis və rus dillində çap ediləcəyini söyləyib.