100 MÖHTƏŞƏM MARKETİNQ MƏSLƏHƏTİ

Dostumuz Sadiq Musa-nın tərcüməsidir. Bu işləri yaxşı bacarır. Budəfəki tərcüməsi həyatımızın hər bir mərhələsində karımıza çata biləcək marketinq sahəsi barədədir. Məsləhətlər verir bizə ki, yola düz nöqtədən başlayaq, yolu düz gedək ki, uğur qazanaq. İki kişinin bildiyi sirr olmasa da, hər halda sirr saxlamağı bacarmaq da bu ağır yolun əsas keyfiyyətidir. Kitabda belə yazır..

Hələ çapa hazır olmamışdan qabaq bir azı ilə tanış olmuşdum, oxunaqlı, sadə dildə qələmə alınmış həyəcanverici bir tərcümədir. Əslində, sanki Sadiq kitabı təzədən yazıb. Tərcümə işi belədir də, kitabı öz oxucun üçün, onun anlaması, hər hadisədə, hər epizodda empati qura bilməsi üçün sanki yenidən qələmə almaq zorundasan. Sadiqdə bu alınıb.

Özəlliyi həm də ondadır ki, bu, Sadiqin nəşrə hazırladığı "Marketinq Seriyası"dan ilk kitabdır.

Alıb oxusaz, əmin olun ki, zərrə peşmanlıq çəkməyəcəksiz, öyrənmək üçün xeyli faydalı mövzu var, çünki müəllifin özünün kifayət qədər zəngin iş fəaliyyəti olub. Həm də macəralarla dolu bir iş karyerası! Hətta işgüzar həyatı boyu bir-birilə uzaqdan-yaxından əlaqəsi olmayan sahələrdə işləmiş Jim Blythe yaşadığı enişli-yoxuşlu təcrübələri və çoxtərəfli praktikaları sonradan kitaba köçürərək iş həyatına atılan gənclərə, yeni nəsil insanlara yol göstərir, gərəkli tövsiyələr verir.

Kitabı sifariş etmək istəyənlər, dağa-daşa düşmədən (099) 310 04 34 nömərisinin Whatsapp-na yaza bilərsiniz...