“Gələcəyə Baxış “ Avropaya İnteqrasiya İctimai Birliyi tərəfindən aztəminatlı ailələrə yardım göndərilib

Koronavirus pandemiyasının ölkəmizin ərazisində geniş yayılmasının qarşısının alınması üçün tətbiq edilən karantin rejimində əhalinin həssas qrupları maddi dəstəyə ehtiyac duyurlar. Bu sahədə dövlətimizin müəyyənləşdirdiyi tədbirlərlə yanaşı, ayrı-ayrı qurumlar tərəfindən də sosial aksiyalar həyata keçirilir.

Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Gələcəyə Baxış” Avropaya İnteqrasiya ictimai birliyi tərəfindən Bakı şəhəri ərazisində yaşayan ailələr üçün belə bir sosial aksiya keçirilib. Azərpoçt MMC vasitəsi ilə Bakı şəhərinin Qaradağ, Binəqədi, Yasamal rayonlarında yaşayan işsiz, fiziki məhdudiyyətli, məcburi köçkün ailələrinə 50 AZN dəyərində ərzaq kartı göndərilib.

Risk qrupuna daxil olan insanların evdə qalması və virusa yoluxmaqdan qorunması məqsədi ilə təşkil edlən yardım aksiyası zamanı ailələrə sosial izolyasiya tədbirlərinə riayət etmək tövsiyə olunub. Bu cür tövsiyyələrin əks olunduğu məlumat ərzaq kartı ilə birgə zərfdə ailələrə göndərilib. Aztəminatlı ailələrə göndərilən ərzaq kuponları Azərpoçt işçiləri vasitəsilə ünvanlara çatdırılıb.