Hərəkat önəmli qərarlar qəbul edib

Azərbaycan Vətəndaş Hərəkatının Məclisinin onlayn formatda toplantısı keçirilib. Toplantının gündəliyinə uyğun olaraq təşkilati məsələ, yəni Taleh Cəfərov, Elxan Əhmədov, Bəşir Ələz və Asim Kazımlının Hərəkata üzvlüyü müzakirə edilib.
Hərəkat təmsilçiləri Hacı Həsənov, Aydın Allahverdiyev, Anar Nəsibov, Azər Həsənsoy, Vüsal Hətəmov, Mübariz Göyüşlü və Ceyhun Bayramlının çıxışlarından sonra adı çəkilən dörd nəfər Hərəkata üzvlüyə qəbul ediliblər. Səsvermədən sonra yeni üzvlər Hərəkat barədə, gələcəkdə görmək istədikləri işlərlə əlaqədar, Hərəkatın perspektivi haqqında fikirlərini bölüşüblər.

Daha sonra Hərəkatın Qida təhlükəsizliyi üzrə koordinatonunun seçilməsi məsələsi müzakirəyə çıxarılıb. Hərəkat yetkililəri Mübariz Göyüşlü, Fərman Salmanlı, Hacı Həsənov və Bəşir Ələzin çıxışlarından sonra qurumun Məclis üzvü Asim Vəliyevin Qida təhlükəsizliyi üzrə koordinator vəzifəsinə namizədliyi təsdiqlənib. Səsvermədən sonra Hərəkatın Qida təhlükəsizliyi üzrə koordinatoru Asim Vəliyev görlüməsi vacib olan işlərdən, düzgün qidalanma, zərərli məhsullar və s. bağlı fikirlərini bölüşüb, təkliflərlə çıxış edib.

Gündəlikdəki sonuncu məsələyə uyğun olaraq Hərəkat üzvləri COVİD-19 pandemiyası ilə bağlı, mövzuyla əlaqədar onlayn formatda beynəlxalq konfransın keçirilməsi istiqamətində müzakirələr aparıblar. Hərəkat üzvləri Aydın Allahverdiyev beynəlxalq konfransın keçirilməsinin əhəmiyyəti, Taleh Cəfərov dezinfeksiya işlərinin daha keyfiyyətli təşkili, Azər Həsənsoy virusun yayılmasının qarşısını almağın effektiv üsullarını tapmaq, Hacı Həsənov dövlətə kömək etməyin vacibliyi, Ceyhun Bayramlı isə konfrans iştirakçılarına verilməsi vacib olan sualları səsləndirməklə fikirlərini bölüşüblər. Daha sonra Asim Vəliyev, Asim Kazımlı, Mübariz Göyüşlü, Fərman Salmanlı, Elxan Əhmədov, Anar Nəsibov, Anar Atakişiyev də mövzuyla bağlı fikirlərini bölüşüblər. Sonda Azərbaycan Vətəndaş Hərəkatının COVİD-19 pandemiyası ilə bağlı xaricdə yaşayan azərbaycanlıların da iştirakıyla onlayn formatda beynəlxalq konfrans keçirməsi qərarlaşdırılıb.