Iş adamı koronavirusla mübarizəyə dəstək kampaniyasına qoşuldu

"Azərbaycan Respublikası prezidenti, cənab İlham Əliyevin Koronavirusla Mübarizəyə Dəstək Fondunun yaradılmasına dair və infeksiyaya qarşı tədbirlərin gücləndirilməsi məqsədilə imzaladığı sərəncamı yüksək qiymətləndirir və alqışlayırıq".


Bu fikirləri tanınmış işadamı, sabiq deputat Nizami İsgəndərov səsləndirib. O bildirib ki, dünyanın gözəgörünməz koronovirus adlı düşmən qarşısında aciz qaldığı bir vaxtda, məlum sərəncam, ölkə vətəndaşlarının sağlamlığı və təhlükəsizliyinin əsas capital olduğunu göstərir. Həmçinin vətəndaşların ümidsizliyə qapılmamasına böyük təkandır:
"Koronovirusla bərabər dünya neft bazarında qara qızılın qiymətinin aşağı düşməsini nəzərə alaraq, hər bir kəs, dövlətimizin yanında olmalı və millətin üz-üzə qaldığı təhlükədən maksimim dərəcədə sğortalanması üçün, dəstək ifadə etməlidir. Məqsədimiz koronovirusun vurduğu və vura biləcəyi ziyanın miqyasını doğru-dürüst qiymətləndirmək, “taclıvirusa” qarşı total mübarizə apararaq genişlənməsinə imkan verməmək olmalıdır. Bir sözlə ümümbəşər bəlaya çevrilmiş virusa qalib gəlmək üçün, hər bir şəxs özünün fərdi şüuruna nəzarət səviyyəsini qaldırılmalı, vicdan və vətəndaş məsuliyyəti hissinə bürünməlidir.
Bu məsuliyyəti dərk edərək, Sumqayıt Ticarət Mərkəzinin sahibkarları adından, Fondun hesab nömrəsi açılan kimi maliyyə dəstəyi verəcəyimizi bəyan edirik. Ölkəmizdə və Sumqayıtda fəaliyyət göstərən sahibkarları da vətəndaş məsuliyyətinin dərk etməyə, prezidentimizin məlum təşəbbüsünə qoşulmağa səsləyirik.
Allah xalqımızı və dövlətimizi qorusun".