Deputatlığa namizədlər MSK-nın qarşısında toplandı - TƏLƏB

Bu gün 120 saylı Cəbrayıl-Qubadlı seçki dairəsindən qeydə alınmış namizədlərdən Piriyev Şaiq Sədi oğlu, Məmmədov Sarı Atlıxan oğlu, Maqsudov Qafqaz Səfər oğlu, Məmmədov Zaur Əhməd oğlu, Həmzəyev Yaqub İbə oğlu, Abbasov Əhliman Yaşasif oğlu və Əhmədov Nail Əli oğlu Mərkəzi Seçki Komissiyasının (MSK) binasının qarşısında dinc askiya keçiriblər.
Namizədlərin tələbi bu dairədən elan olunmuş seçki nəticələrinin ləğv edilməsidir. Namizədlər aksiya zamanı narazılıqlarını bildirib və 9 fevral 2020-ci il tarixdə Azərbaycan Respublikası Milli Məclisinə keçirilən seçkilər zamanı 120 saylı Cəbrayıl-Qubadlı seçki dairəsinin 52-dən çox məntəqəsində seçkinin nəticələrinə təsir edəcək aşağıda qeyd olunan ciddi qanun pozuntuları baş verdiyini bildirmişlər:
1. Bülletenlər sayılmadan seçki prosesinə başlanılıb.
2. Səsverməgünü saat 19:00 dan sonra məntəqə sədrlərinin təkilatçılığı ilə ümümilikdə 52 məntəqədə 4430 bulleten saxta yolla qutulara əlavə edilmişdir.(Bu ciddi faktı 200-ə yaxın müşahidəçinin şahidliyi, aktları və digər müşahidə üsulları video, audio vəs. ilə subut olunur)
3. Müxtəlif şəxslər tərəfindən dəstə-dəstə bülletenlər qutuya atılıb.
4. "Karusel" üsulu ilə saxta seçicilər səs veriblər.
5. Seçki nəticələrinin sayılmasında müşahidələrin aparılması lazımi qaydada təmin edilməyib.
6. Səslərin sayılması zamanı məntəqə üzvləri tərəfindən gizlədilmiş bülletenlər ciblərindən və ya paltarlarının altından çıxarılaraq qutudan çıxarılan bülletenlərə qatışdırılıb.
7. Səsvermənin başlanması və səslərin sayılması zamanı planlı şəkildə elektrik təchizatı qısa müddətə dayandırılıb və qısa müddət sonra bərpa olunan zaman sayılmaq üçün stolların üstünə tökülən bülletenlərin sayı çoxaldılıb.
8. Dəstə-dəstə kəsilmiş bülletenlər aşkarlanıb.
9. Səslərin sayılması zamanı bir namizədin səsləri başqa namizədin xeyirinə sayılıb.
10. Məntəqə üzvləri tərəfindən gizlədilmiş dəstə-dəstə bülletenlər sayılacaq bülletenlərə qarışdırılıb.
11. Seçki kabinələrinə eyni zamanda bir neçə şəxs daxil olub.
12. Müşahidəçilərin fəaliyyətinə əksər məntəqələrdə həm məntəqə üzvləri həm də kənar şəxslər tərəfindən ciddi maneçilik törədilmiş, hətta bəzi məntəqələrdə səslər onların yanında sayılmamışdır. Kənar şəxslərin müşahidəçilərə fiziki və psixoloji təzyiqinin aradan qaldırılması üçün məntəqə sədri və üzvləri qanunvericiliyə uyğun müvafiq tədbir görməmiş və onları bu işə daha da təhrik edib.
13. Dairə üzrə əhəmiyyətli sayda seçicilər qeyri müəyyən səbəbdən faktiki yaşadığı ünvana yaxın seçki məntəqəsində yox, onların faktiki yaşadığı ünvandan uzaqda olan məntəqədə qeydiyyatına salınmışdır(hətta bir ailənin üzvləri uzaqda yerləşən müxtəlif məntəqələrə salınıb).
14. Protokollar səsvermədən dərhal sonra bülletenlər tam sayılmadan tərtib edilib.
15. Seçki günü qanunvericiliyə zidd olaraq məntəqənin yerləşdiyi binalarda və yaxın ərazilərdə namizədlərdən birinin xeyrinə təbliğat prosesi aparılmış,seçicilərin öz iradələrinə uyğun seçim hüququnu müstəqil şəkildə həyata keçirilməsinə əngəl törədilib.
16. Digər pozuntular (daşınan qutu ilə bağlı qaydaların pozulması, mətəqələrdə seçicilərin xüsusi şəxslər tərəfindən yönəldilməsi, müşahidəçilərə müvafiq şəraitin yaradılmaması, onlar tərəfindən qeydə alınmış pozuntuların və sübutların əllərindən alınaraq silinməsi, fiziki təsir və s.) baş verib.

Namizədlər MSK qarşısında olan ilk dinc aksiyada öz bəyanatlarını səsləndirdikdən sonra dinc aksiyanın sona çatdığını bildirərək dinc aksiyanı sonlandırmışlar.