Pərvin Mahmudov Yeni Günəşli və Qaraçuxur qəsəbələrini qarış-qarış gəzir - FOTOLAR

31 saylı Suraxanı İkinci Seçki Dairəsindən deputatlığa gənc namizəd, jurnalist Pərvin Mahmudovun seçkiqabağı təbliğat-təviqat kampaniyası uğurla davam edir.

Bu barədə gunpress.az saytına namizədin seçki qərargahından məlumat verilib. Bildirilib ki, Yeni Günəşli və Qaraçuxur qəsəbələrini qarış-qarış gəzən Pərvin Mahmudov növbəti görüşlərini Yeni Günəşli qəsəbəsi massiv V, AB və D ünvanlarında keçirib.
Sakinlər gənc namizədi böyük coşğu ilə qarşılayaraq ona dəstəklərini ifadə ediblər. Seçicilər gənc namizədlə görüş zamanı üzləşdikləri problemləri dilə gətirib, bu problemləri yalnız yerli sakinin millət vəkili seçiləcəyi halda həll olunacağını söyləyiblər.
Qeyd edək ki, Pərvin Mahmudov son günlər qalmaqalları ilə gündəmə gələn 31 saylı Suraxanı İkinci Seçki Dairəsinin ən real namizədi hesab edilir. Hətta onun 9 fevral seçkilərində rəqiblərinə böyük səs çoxluğu ilə qalib gələcəyi gözlənilir.