Şəhid ailələri və əlillər üçün bayram tədbiri - Fotolar

“Sumqayıt Ticarət Mərkəzi” ASC rəhbərliyi ənənəsinə sadiq qalaraq, bu il də bir sıra əlil və şəhid ailələri üçün 31 dekabr Yeni il və Dünya Azərbaycanlılarının həmrəylik günü münasibətilə bayram tədbiri düzənləyib.

Tədbirdə çıxış edən keçmiş millət vəkili və STM Müşahidə Şurasının sədri Nizami İsgəndərov qarşıdan gələn bayram münasibətilə onları təbrik edib. O bildirib ki, əlil və şəhid ailələri hər zaman dövlətimiz və onun başçısı cənab İlham Əliyev tərəfindən yükəsk dəyərləndirilir və diqqətdə saxlanılır: “Bu münasibətin özü göstərir ki, Azərbaycanın müstəqilliyi və bütövlüyü üçün canlarını və sağlamlıqlarını vermiş şəhidlərimiz və əlillərimiz hər zaman uca tutulur.

Eyni zamnda, N.İsgəndərov əlavə edib ki, onların qayğısı ilə təkcə dövlət deyil, həm də iş adamları və imkanı olan bütün insanlarımız maraqlanmalıdır. “Çünki sizin kimi, şəxslər dövlətə və bizlərə əmanətsiniz. Biz də, bu prinsipdən yanaşaraq, Ticarət Mərkəzimiz adından onlarla şəhid ailəsinə və əlillərə ömürlərinin sonuna qədər öz dəstəyiməyizi göstərməyi qarşımıza məqsəd qoymuşuq. Artıq bu prinsipimiz 20 ildən yuxarıdır ki, davam edir. Sizlərin yanında olmaq istəyimiz bizim vətəndaşlıq borcumuzdur”, - deyən N.İsgəndərov ənənənin bundan sonra da davam etdiriləcəyini vurğulayıb.

Daha sonra, əlil və şəhid ailələri qarşısında çıxış edən STM idarə heyyətinin sədr müavinin Sahib Həşimov dəvət olunanları hər iki bayram münasibətilə, həm sədr Zaman İsgəndərovun, həm də öz adından təbrik edib, onlara və ailə üzvlərinə üzun ömür, can sağlığı arzulayıb. Daha sonra tədbir iştirakçılarına bayram sovqatı paylanılıb və Mərkəz tərəfindən onların adına açılmış bayram süfrəsinə dəvət ediliblər.

Qeyd edək ki, əlil və şəhid ailələri üçün yardım kampaniyası Sumqayıt Ticarət Mərkəzi təfindən 1995-ci ildən bu günə qədər davam etdirilir.