Şəhid anası əməliyyat olundu – Həkimlərə təşəkkür

Aprel döyüşlərində şəhid olan Sarvan Mehrəliyevin anası Xatirə Mehrəliyeva əməliyyat olub.

Bu əməliyyatı həyata keçirən həkimlərə minnətdarlıq bildirib:

“Hər gün nöqsan axtardığımız cəmiyyətdə dəyərlərimizə sahib çıxan əqidəli peşə sahibləri də var. Xocalıdan olan şəhid anamız Xatirə xanımın oğlu Sarvan Mehrəliyev 2016-cı il aprel döyüşlərində şəhid olub. Anamız uzun müddətdir ağır xəstəlikdən əziyyət çəkirdi. Dünən şəhid anası ziyarət etdik.
Ağciyər Xəstəlikləri İnstitutunun döş qəfəsinin cərrahiyyə şöbəsinin müdiri həkim Məsud Nəsirliyə, Barat həkimə və əməliyyatda əməyi keçən hər bir tibb bacısına dərin təşəkkürümüzü bildiririk! Əmin olduq ki, Şəhid anası bu kollektivin hər bir üzvü üçün əzizdir! Sadəcə, qürur hissi duyduq! Bu məmləkətin dəyərləri olub, olacaq”.