Həmyerlimiz Dallasda Yüksək səviyyəli ekoloji konfransda ölkəmizi təmsil edib

29 iyul – 02 avqust 2019-cu il tarixində ABŞ-nın Texas ştatının Dallas şəhərində Beynəlxalq Emissiya İnventarlaşdırma konfransında (USA Environmental Protection Agency Emission Inventory Conference, 2019 International Emissions Inventory Conference - Collaborative Partnerships to Advance Science and Policy) nəzərdə tutulan səfər çərçivəsində Dallas şəhər Hyatt Regency hotelində təşkil olunan konfransda təşkilatın sədri Kimya elmləri üzrə fəlsəfə doktoru Sadiq Həsənov iştirak edib.

Konfrans Atmoser çirklənməsinin emissiyalarının inventarlaşdırılması mövzusunda öz işinə 29 İyul tarixində başlamışdır. Konfransı giriş sözü ilə ABŞ-nın Ətraf mühit Agentliyinin(EPA) yüksək səviyyəli nümayəndələri Karoline Farkas və Madeleine Strum açmışdır. İlkin açılışda Ətraf mühit Agentliyindən Mark Houyouks, Regional adminstrator David Gray, Ətraf mühit Mühafizə Fondundan David Lyon və Hava Keyfiyyətinin Qiymətləndirilməsi Divizionun rəhbəri Riçard Vayland çıxış etmişlər.
Konfransda atmosfer emissiyalarının qiymətləndirilməsi, azaldılması ilə bağlı tədbirlər silisiləsində müxtəlif ölkələrdən gələn elmi və vətəndaş cəmiyyətinin üzvləri tərəfindən prezentasiya təqdim olunmuşdur. Bu istiqamətdə aparılan elmi tədqiqatlar, araşdırmalar, metodlar və standartlar mövzusunda plenar sessiyalar davam etmişdir. Tədbirdə iştirak edən Sadiq Həsənov “Azərbaycan avtomobil nəqliyyatı vasitələrinin atmosfer havasının çirklənməsidə payı və çirklənmənin azaldılması tədbirləri “mövzusunda çıxış edərək avtomobil nəqliyyatının son 10 ildə inkişafı, emissiyaların həcmi bu sahədə görülən işlər, yol nəqliyyatının inkişafı və emissiyaların azaldılması istiqamətində aparılan siyasət barədə geniş təqdimatla çıış etmişdir. Prezentasiyanın əvvəlində ölkə barədə məlumatları təqdim etdikdən sonra S.Həsənov Azərbaycanın 1991-ci ildən öz müstəqilliyini əldə etdiyini və bundan sonra əldə etdiyi uğurlar, iqtisadi sahədə inkişaf və ölkənin əsas problemlərindən biri olan Ermənistan tərəfindən Dağlıq Qarabağın işğalı ilə bağlı konfrans iştirakçılarına məlumat vermişdir. Prezentasiya iştirakçıları maraqlandırmış və təqdimatdan sonra S.Həsənova çoxlu suallar ünvanlanmışdır. Eyni zamanda iştirakçılar Qarabağda baş verən konfiliktin tarixi barədə məlumatlar soruşmuşlar. S.Həsənov prezentasiyadan sonra kofe-çay fasiləsi zamanı iştirakçıları Ermənistanın Azərbaycan torpaqlarını işğal etməsinin tarixi barədə geniş məlumatı konfrans iştirakçılarına çatdırmışdır.
Eyni zamanda S.Həsənov atmosfer havasının çirklənməsi ilə bağlı ölkədəki vəziyyət, İstilik effekti yaradan qazların azaldılması üçün ölkənin üzərinə götürdüyü öhdəliklər barədə məlumatları konfrans iştirakçılarının nəzərinə çatdırmışdır. S.Həsənov konfrans iştirakçılarının çoxsaylı suallarına cavab vermişdir.


“Sağlam həyata doğru” Ekoloji İctimai Birliyi
05 avqust 2019-cu il, ABŞ, Dallas,Texas