“Təhsil Nazirliyi 30 dərəcə istidə körpə uşaqları yandırır”

Niyaməddin Orduxanlı: “İyun ayının 15 qədər dərslərin olmasına böyük əksəriyyət narazlıq edir. Bu qərarı verənləri kondisionerli otaqlardan çıxardıb qaynar sinif otaqlarına aparmaq lazımdır”

Təhsil Nazirliyinin iyunun 15-ə qədər orta məktəblərdə tədrisin davam etdirilməsi və dərslərin keçirilməsi ilə bağlı verdiyi qərar, hələ də cəmiyyətdə birmənalı qarşılanmır. Bununla bağlı ciddi narazılıqlar davam etməkdədir.

Məsələ ilə bağlı “Günpress.az” saytına açıqlama verən BAXCP sədrinin müavini, tanınmış QHT sədri, ictimai fəal Niyaməddin Orduxanlı bildirib ki, Təhsil Nazirliyinin Sentyabrın 15-dən iyun ayının 15 qədər keçirilən dərslərlə bağlı verdiyi qərar cəmiyyətdə çox ciddi narazılıqla qarşılanır:

“Təhsil nazir cənab Ceyhun Bayramova sosial şəbəklərdə yüzlərlə, minlərlə insanın iyun ayının 15-ə qədər dərslərin keçirilməsi ilə bağlı verilən qərardan necə narazı qaldıqlarını bildirmək istəyirəm. Bütün bunlara nazirin özü də şahid ola bilər. Həm də Təhsil Nazirliyinin işçiləri bütün bunların canlı şahidləridir. Onlar da facebook sosial şəbəkə istifadəçiləridir. 30 dərəcə isti də körpə uşaqları, şagirdləri yandırırlar. Kimə lazımdır bu? Bu vəziyyətdə hansı kefiyyətli təhsildən danışmaq olar?! Hər gün 6-7-8-9 yaşlı uşaqların bu istidə qan-tərin içində məktəbdən çıxdıqlarının şahidi oluruq. Necə gün idi ki, müşayidə edirdim. Bununla bağlı ölkənin tanınmış ziyalıları, siyasətçiləri, QHT rəhbərləri, tanınmış jurnlalistlər, müəllimləri öz narazılıqlarını yazırdılar. Bu gün özümün profilimdə bu mövzu ilə bağlı status yazdım. Yüzlərlə şəxs, xüsusən də müəllim heyyəti iyun ayına qədər dərslərin aparılmasının doğru olmadığını qeyd etdilər. 40 illin təcrübəsi olan pedaqoqlar da birmənalı şəkildə qərarın doğru olmadığını yazırdılar. Hətta bir qrup müəllim heyətinin bu qərarın dəyişdirilməsi ilə bağlı rəsmi şəkildə Təhsil Nazirliyinə müraciət etdiklərini yazdılar. Hər kəs əvvəlki qayda da sentyabrın 1-dən mayın 25 qədər tədrisin davamiyyətini daha məqbul sayırdı. Onu da qeyd edim ki, təkcə körpə uşaqlar deyil, həmçinin də müəllimlər və valideyinlər də bundan əziyyəti çəkməkdədir. Bu qərarı verənlərin özləri sərin kondisionerli otaqlardan çıxıb, yarım saat qaynar sinif otaqlarda olsalar, insanlarn niyə bu qədər etiraz etdiklərini bilərlər. Sentyabr ayında havlar çox sərin olur. Bunu 15 gün qabağa çəkməklə problemi kökündən həll etmək olar. Ümid edirik ki, nazirlik bu məsləyə baxacaq. İctimai narazılığı nəzərə alacaq.”