Şvarsnegger səfir oldu

Kaliforniyanın keçmiş qubernatoru Arnold Şvarsnegger İspaniyanın paytaxtı Madridin səfiri olub.

Madrid hakimiyyəti şəhərin müsbət imicinin formalaşmasında oynadığı rola görə Hollivud aktyorunu mükafatla təltif edib. Qeyd edilib ki, İspaniyanın paytaxtında kulturistlər üçün dörd dəfə "Arnold Classic Europe" yarışı keçirilib. Arnold Şvarsneger isə təntənəli mərasimdə bu mükafata görə təşəkkürlərini bildirib: "Məndə çox medal və mükafat var. Amma, bu əlbəttə sonuncu olacaq", - deyə Şvarseneger bildirib. Həmçinin, aktyor Madrid yaxınlığında 1982-ci ildə "Konan-varvar" filminin çəkilişlərini də xatırladıb: "Mən burada beş ay keçirdim. Bu film isə mənim karyeramda sıçrayış oldu", - deyə o vurğulayıb. - See more at: http://teleqraf.com/news/24094#sthash.Vh9xBqWZ.dpuf