Sumqayıt sakinləri narazıdır – Şikayət (Fotolar)
Sumqayıt şəhər 13 mik, bina 5 və 6 sakinlərindən redaksiyamıza şikayət daxil olub.
Məmur özbaşınalığı və laqeyd münasibətdən narazı olan sakinlər Xeberlent.az-a ərazidə aparılan ağacbudama işləri və onun yarıtmaz nəticəsini qeyd ediblər. Belə ki, binanın həyətindəki bir neçə ağacı budayan əlaqədar qurumun işinin ardınca görülməli olan təmizləmə işi aparılmamış və 3 həftəyə yaxındır ki, iri gövdəli ağacların yerə tökülən qol-budaqları yığışdırılmamışdır. Nəticədə bina sakinlərinin gediş-gəlişinə maneə yaranmış, həyətdə çör-çöp yığını yaranmışdır. Azyaşlı uşaqlar həyətdə gəzə bilmir ki, budaqları gözlərinə batar. Məsələ ilə bağlı aidiyyəti MİS idarəsi tərəfindən sakinlərin müraciət ilə bağlı heç bir tədbir görülməmişdir.
Xeberlent.az saytı olaraq məsələ ilə bağlı Sumqayıt şəhər icra hakimiyyətinin mətbuat xidməti ilə əlaqə saxlasaq da , susqunluğa üstünlük verdilər. .
Ərazidən çəkilən fotoları diqqətinizə çatdırırıq.
