Nazir müavininin qardaşı rəis göndərildi - Yeni təyinatlar

Daxili İşlər Nazirliyində yeni kadr dəyişikliyi həyata keçirilib.

Gunpress.az xəbər verir ki, daxili işlər naziri, general-polkovnik Ramil Usubovun müvafiq sərəncamı ilə Ucar Rayon Polis Şöbəsinin (RPŞ) rəisi Tahir Quliyev tutduğu vəzifədən azad edilərək Oğuz RPŞ-nin rəisi vəzifəsinə təyinat alıb.

Nazirin digər əmri ilə vəzifəsindən azad edilən Oğuz RPŞ-nin rəisi Cəmil Əmirov isə Şəmkir RPŞ-nin rəisi vəzifəsinə təyin edilib.

Qeyd edək ki, Cəmil Əmirov Vergilər Nazirinin birinci müavini Natiq Əmirovun qardaşıdır. Bundan başqa Nazirin digər əmri ilə DİN-nin Baş Narkotiklərlə Mübarizə İdarəsinin rəis müavini Aqil Ələkbərov tutduğu vəzifədən azad edilərək Ucar RPŞ-nə rəis təyin olunub.

Daxili işlər nazirinin digər əmri ilə Şəmkir rayon Polis İdarəsinin sabiq rəisi Şükür Mehdiyev isə Baş Narkotiklərlə Mübarizə İdarəsi rəisinin müavini təyin olunub.