«Lamiyənin uşağı süni mayalanma yolu ilə dünyaya gəlib» - Şok iddia

“Bu bir qarayaxma kampaniyasıdır. Azərbaycanda keçiriləcək parlament seçkiləri, olimpia oyunları öncəsi müəyyən maraqlı qüvvələr bucür mənfi yüklü prosesləri qabartmağa çalışırlar”.

Bu fikirləri mia.az-a açıqlamasında Müasir Müsavat Partiyasının sədri Hafiz Hacıyev həbsxanada uşaq dünyaya gətirən Lamiyə Quliyevanın adı ətrafında gedən proseslərə münasibət bildirərkən səsləndirib. Partiya sədri deyib ki, o, Şəmkirin icra başçısı Aslan Aslanovun oğlunu qətlə yetirdiyi üçün həbs olunub və cazasını alıb. Onun sözlərinə görə, bu faktdan istifadə edən bəzi qruplar Aslan Aslanova qarşı qarayaxma kampaniyası hazırlayıblar: «Lamiyənin atası ondan əvvəl həbsxanada olub və orda öldürülüb. Yəni, onun hansı ailədən çıxdığı ortadadır. Bu gün Lamiyədən istifadə edən qüvvələr də var. Son günlər müxtəlif qeyri-dəqiq informasiyalar sızdırılır. Burada Penitensiar Xidmətə qarayaxma prosesi də var. Sizə açıq deyirəm, Lamiyənin uşağı süni mayalanma yolu ilə dünyaya gəlib. Burada məqsəd var. Çünki həbsxanada uşağı olan qadınlara güzəştlər var. Elə buna görə də bu yola əl atıb».

Lamiyə Quliyevanın cinayət törətdiyini xatırladaq H.Hacıyev bu faktın gözardı edilməsini doğru saymır. Onun sözlərinə görə, sözügedən məhbus Penitensiar Xidmətin əməkdaşına qarşı qanunsuz hərəkət edib və növbəti dəfə cəza alıb: «Bundan əlavə, məndə olan məlüumata görə, bu qız türmədə otura-otura sələmçiliklə məşğul olur. Həm qatil olasan, həm də müəyyən adamların pulunu sələmə buraxasan. Bax, bunların hamısı onu göstərir ki, bu qadın cinayətə meyllidir. İndi araşdırma aparılır, ola bilsin ki, başqa cinayətləri də açılsın. Düşünürəm ki, bu yöndə aparılan qarayaxma kampaniyasının başında müəyyən dairələr dayanır. Bir adamın üzərinə bu qədər alçaqcasına düşmək heç bir əndazəyə sığmır. İstəyirlər ki, son ilər həm Penitensiar Xidmət, həm də digər sahələrdə görülən işlərə kölgə salsınlar. Azərbaycanın bəzi deputatları, o cümlədən ömrünün gənclik hissəsini mili təhlükəsizlik orqanlarına həsr etmiş İqbal Ağazadə Milli Məclisdə bu məsələni qaldırıb. Bəyəm, Azərbaycanda qaldırılası başqa məsələ yoxdur? İqbal Ağazadə getsin fikirləşsin görsün ki, Füzulini İsa Qəmbərlə bir yerdə neçəyə satdılar. Əgər xatırlamırlarsa, onların yadına sala bilərəm. Son olaraq, onu da nəzərə çatdırım ki, bunların hamısı bir mənbədən idarə olunan və müəyyən tapşırıq əsasında baş verən hadisələrdir. Ona görə hər kəsi mili və dövlətçilik maraqlarımızı önə çəkərən addım atmağa çağırıram».