Bakı polisindən xüsusi Əməliyyat

Ötən gün mütəşəkkil Cinayətkarlıqla Mübarizə Baş İdarəsi və Narkotiklərlə Mübarizə İdarəsinin keçirdiyi əməliyyatlarda külli miqdarda narkotik maddə müsadirə edilib.

Gunpress.az Axar.az-a istinadən xəbər verir ki, Mütəşəkkil Cinayətkarlıqla Mübarizə Baş İdarəsi əməkdaşlarının həyata keçirdikləri əməliyyat-axtarış tədbirləri nəticəsində Salyan rayon sakinləri Şöhrət Ağayev və Abış Ələkbərov 1 kiloqram 110 qram marixuananı satarkən yaxalanmışlar.

İdarə əməkdaşlarının daha bir əməliyyatı ilə Masazır qəsəbə sakini Mirzə Manafovun idarə etdiyi “Mersedes” markalı avtomobildən 1 kiloqram heroin, 3 kiloqram tiryək və 2 kiloqram marixuana aşkar edilib və narko-tacir dərhal həbs edilib.

Narkotiklərlə Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində isə Astara rayon sakini, əvvəllər məhkum olunmuş Şaiq Quliyevdən 503,127 qram heroin götürülüb.