İlham Əliyevdən sərəncam; iki nazirliyə tapşırıq verildi

Azərbaycan prezidenti İlham Əliyev ölkədə Qarabağ atı cinsinin inkişafına əlavə dəstək haqqında sərəncam imzalayıb.

Sərəncamda aşağıdakı göstərişlər verilib:

“1. Qarabağ atı cinsinin inkişaf etdirilməsi və bu sahədə müvafiq tədbirlərin həyata keçirilməsi məqsədi ilə Azərbaycan Respublikasının 2014-cü il dövlət büdcəsində nəzərdə tutulan Azərbaycan Respublikası Prezidentinin ehtiyat fondundan Azərbaycan Respublikasının Kənd Təsərrüfatı Nazirliyinə 2,0 (iki) milyon manat ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni müəyyən olunmuş qaydada təmin etsin”.