Azərbaycan antiterror əməliyyatı keçirdi - 4 terrorçu məhv edildi, 15-i isə yaralandı

Azərbaycan Ordusunun keçirdiyi antiterror əməliyyatı nəticəsində 4 silahlının məhv edildiyi, 15 silahlı dəstə üzvünün isə yaralandığı bildirilir.

GÜNpress.az Ermənistan KİV-nə istinadən məlumat verir ki, antiterror əməliyyatı Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin növbəti dəfə atəşkəsi pozmasından sonra başlayıb.


Qeyri-qanuni erməni silahlı dəstələrinin üzvlərinin avqustun 3-ü səhər saatlarında Laçın rayonu istiqamətində yerləşən Azərbaycan Ordusunun bölmələrinin mövqelərini intensiv atəşə tutması nəticəsində Azərbaycan Ordusunun müddətli həqiqi hərbi xidmət hərbi qulluqçusu əsgər Kazımov Anar Rüstəm oğlu aldığı güllə yarasından şəhid olub.