İcra hakimiyyətinin əməkdaşlarına hücum edilib

Ağcabədi rayonunun Avşar kəndində iki kənd sakinlərinin ərazi mübahisəsi sonda böyük qarşıdurmaya çevrilib.

Rayondan Reyting.az-a verilən məlumata görə, münaqişəyə səbəb Cabir Vahid oğlu Abdullayevin yaxın qohumları ilə birlikdə Hilal Xanəliyevin şəxsi məhəlləsinə darvaza qoymaq istəməsinə imkan verməməklə başlayıb. Çünki Cabir Abdullayev həmin ərazinin ona məxsus olduğunu iddia edir.

Tərəflər problemin həlli üçün Ağcabədi Rayon İcra Hakimiyyətinə müraciət ediblər. İcra hakimiyyətinin əməkdaşları problemi yerində araşdırmaq üçün komissiya yaradıblar. Ancaq C. Abdullayev yaxın qohumları ilə birlikdə komissiyanın fəaliyyətinə imkan verməyib.

Məlumatda qeyd olunur ki, Cabir Abdullayevin qardaşı İqbal, əmisi və digər qohumları komissiya üzvlərinə qarşı zorakılıq etmk istəyiblər. Komissiyanın üzvlərindən biri Ağcabədi rayon Avşar bələdiyyəsinin sədri Bulud Quliyev olduğuna görə kənd sakinləri zorakılığa imkan verməyiblər.

Redaksiyamıza verilən məlumatda bildirilir ki, bələdiyyə sədrinin hadisə yerində olması mümkün faciəli hadisənin qarşısını alıb. Bununla belə baş verənlərlə bağlı hüquq-mühafizə orqanlarına müraciət edilib.