Müdafiə nazirindən yeni təyinat, general idarə rəisi oldu

Azərbaycan Müdafiə Nazirliyinin Beynəlxalq Əməkdaşlıq İdarəsinə yeni rəis təyin olunub.
Gunpress.az xəbər verir ki, bu haqda informasiyanı Azərbaycan Müdafiə Nazirliyinin mətbuat xidməti yayıb.

Xəbərdə deyilir ki, NATO-nun Brüsseldəki Qərargahında Azərbaycan Silahlı Qüvvələrinin hərbi nümayəndəsi, general-mayor Hüseyn Mahmudov Müdafiə Nazirliyində vəzifəyə təyin olunub.

Bildirilib ki, general-mayor H.Mahmudov sentyabr ayının sonlarında Müdafiə Nazirliyinin Beynəlxalq Əməkdaşlıq İdarəsinin rəisi vəzifəsinin icrasına buraxılıb. İdarənin keçmiş rəisi, general-mayor Ramiz Nəcəfov isə məzuniyyətə göndərilib.