Cahangir Əsgərovun Abbas Abbasovla gizli sövdələşməsi

“Azal” şirkətinin prezidenti Cahangir Əsgərov hakimiyyətdə etibarınlı itirib. Gunpress.az-ın əldə etdiyi məlumata görə, bunun başlıca səbəbi isə onun baş nazirin keçmiş birinci müavini Abbas Abbasovla görüşməsi və Türkiyədə bir məclisdə iştirak etməsi olub.

Belə ki, Abbas Abbasov bir müddət öncə Azərbaycana gələrək bir neçə rəsmi şəxslə görüşməsindən sonra bəzi məmurlarda belə rəy yaranıb ki, Abbas Abbasov artıq hakimiyyətdaxilində mövqelərini bərpa edib. Buna görə də Abbas Abbasovla intensiv əlaqə quranlar olub ki, bunlardan biri də Cahangir Əsgərov olub. Hətta o Abbas Abbasovla Türkiyədə görüşüb, məxlisdə iştirak edərək onu əsl dövlət xadimi adlandırıb. Bu isə sözsüz ki, əks effekt verib və o nəzarətində olan biznesin bir hissəsini itirməli olub.

Onu da qeyd edək ki, Nəqliyyat naziri Ziya Məmmədovda Abbas Abbasovun güdazına gedib. Nazirin Abbas Abbasova zəng etdiyi bildirilir və bununlıa bağlı “Unikal” qəzetində konkret faktlar göstərilmişdi.