Baş Prokurorluğun binası Vəkillər Kollegiyasına verildi - Baş Nazir sərəncam imzaladı

Baş Prokurorluğun balansında olan inzibati bina əvəzsiz olaraq Vəkillər Kollegiyasının istifadəsinə verilib.

GÜNpress.az xəbər verir ki, baş nazir Novruz Məmmədov bununla bağlı bu gün müvafiq sərəncam imzalayıb.

Sərəncama əsasən, Baş Prokurorluğun balansında olan, Gəncə şəhəri, Nizami rayonu, Həsən Əliyev küçəsi, 49 ünvanında 954,2 kv.m torpaq sahəsində yerləşən ümumi sahəsi 718,3 kv.m olan (mərtəbəlilik 3 və 1) inzibati bina Vəkillər Kollegiyasının əvəzsiz istifadəsinə verilib.

Baş Prokurorluq, Vəkillər Kollegiyası, Əmlak Məsələləri Dövlət Komitəsi və Gəncə şəhər İcra Hakimiyyətinə bu sərəncamdan irəli gələn məsələləri həll etmək tapşırılıb.

Bu sərəncam imzalandığı gündən - aprelin 9-dan qüvvəyə minir.