Bir neçə rayonda aksiya olub - Camaat qiymət artımına etiraz edir
Tarix: 13-01-2016 16:28
Siyəzən rayonunda bir qrup sakinlə polis arasında insident baş verib.
“Gunpress.az” APA-ya istinadən xəbər verir ki, Rayon İcra Hakimiyyətinin binası qarşısına toplaşanlar polisin ictimai asayişin bərpa olunması və ərazidən uzaqlaşmaq tələbinə əməl etməyiblər. Buna görə də polis aksiya keçirənləri ərazidən uzaqlaşdırmağa başlayıb.
Əraziyə təhlükəsizlik qüvvələri cəlb edilib.
Saxlanılanların olduğu bildirilir.
Hadisə ilə bağlı Baş Prokurorluq və Daxili İşlər Nazirliyinin birgə məlumat yayacağı gözlənilir.
***
“Qafqazinfo” xəbər verir ki, analoji aksiyalar Füzuli və Ağsu rayonlarında da olub. Füzulidə baş verən aksiya artıq başa çatıb. İcra hakimiyyətinin rəhbərliyi yanvarın 15-də əhali ilə görüşəcəyini və onların problemlərini dinləyəcəyini bildirib.
***
Musavat.com-un məlumatına görə, Ağsu rayonunda da aksiya olub. İcra başçısı aksiya iştirakçılarının bir qismi ilə görüş keçirib.
Aksiyaların keçirilməsinə səbəb ərzaq məhsullarının qiymətinin qalxması, kredit borcları və digər sosial problemlərdir.
Seçilmişlər
Ən çox oxunanlar
