Qubad İbadoğlunun daha bir fəal tərəfdarı Müsavatdan xaric edilib
Tarix: 25-01-2015 21:38
Müsavat Partiyasında növbəti qalmaqal yaşanıb. Modern.az xəbər verir ki, partiyanın tanınmış üzvü, 2003-çü ilin seçki məhbusu Ənvər Əhməd Müsavat sıralarından xaric edilib. Məlumatı Facebook-da paylaşan Ə.Əhməd Müsavat başqanı Arif Hacılı və Sumqayıt Şəhər Təşkilatının sədri Fəxrəddin Abbası ona qarşı qondarma ittihamla çıxış etməkdə günahlandırıb.
Ənvər Əhməd Müsavat başqanlığına namizəd olmuş Qubad İbadoğluna yaxınlığı ilə seçilən partiya üzvlərindən sayılır. O, Qubad İbadoğlunun yaratdığı Azərbaycan Demokratiya və Rifah (ADR) Hərəkatında təmsil olunur.
Ənvər Əhmədin partiya sıralarından kənarlaşdırılması Müsavatda yeni narazılığın əsasını qoyub. Belə ki, sosial şəbəkələrdə Müsavat üzvləri buna etiraz əlaməti olaraq narazı statuslar paylaşırlar.
Ənvər Əhməd Müsavat Sumqayıt şəhər təşkilatının üzvü idi, o, 2003 -cü ildəki məlum 15-16 oktaybar hadisələri zamanı həbs olunub.
Seçilmişlər
Ən çox oxunanlar
