MMP Qadınlar Şurası ilin yekunu ili bağlı hesabat verdi

Bu gün Muasir Musavat Partiyasının Qadınlar Şurasının ilin yekunu ilə bağlı növbəti toplantısı keçirilib.

Tədbirin gündəliyində duran əsas məsələ 2014-cü ildə görülmüş və 2015-ci ildə görüləcək işlər olub. Tədbirdə partiyanın ictimai-siyasi həyatında fəal iştirak edən 50-yə yaxın qadın iştirak edib.
Tədbiri giriş sözü ilə açan MMP sədri Hafiz Hacıyev ilk öncə gündəlikdə olan əsas məsələ ilə yığıncaq iştirakçılarını tanış edib.

O, qadınların cəmiyyətin inkişafında rolundan söhbət açaraq, MMP-nin qadın üzvlərinin qarşısında duran vəzifələrdən bəhs edib. Partiyada görülən işlərin geniş təhlilı zamanı qadınların daha fərqli fəaliyyət və mübarizə apardığının şahidi olduğunu deyən Hafiz Hacıyev 2015-ci ildə hamını çox çətin, məsuliyyətli və şərəfli vəzifələrin gözlədiyini qeyd edib.

İlk öncə dünyada və ölkədə baş verən hadisələr müzakir olunub, hadisələrə siyasi qiymət verilib. Daha sonra partiyada ideoloji işin səviyyəsi, verilən tapşırıqların yerinə yetirilməsi, müxalifət düşərgəsində yaranmış parçalanmalar nəticəsində partiyaya olan axın və s. məsələrlə bağlı hesabatlar dinlənilib. Toplantıda təşkilat qarşısında duran məsələlər, qadınların və gənclərin fəallığının daha da artırılması üçün verilən təkliflər müzakirə edilib.

Bundan sonra son 1 ildə MMP-nin hədəflərinə tam şəkildə nail olması üçün çox gərgin iş sistemi ilə, yorulmadan çalışan insanlar mükafatlandırılaraq minnətdarlıq bildirilmiş və ideoloji məsələlərlə bağlı hesabat dinlənilmişdir. Hesabatdan aydın olub ki, 2014-cü ildə ideoloji işini daha da aktivləşdirən partiya bu sahənin ən üst zirvələrindədir. Düzgün strategiya və düzgün zaman seçimi partiyanın digər siyasi partiyalardan fərqli, hamçinin üstün ideologiya sərgiləməsinə səbəb olub. Bu işlərin sistemli həyata keçirilməsi üçün partiya üzvlərinin fəallığının daha da artırılması tapşırılıb.

Cəmiyyətin aparıcı qüvvəsi sayılan gənclərin və qadınların içtimai –siyasi həyatdakı rolundan söhbət açan partiya funksionerləri bundan sonrakı fəaliyyətlərini qadın və gənc kontingentin üzərində qurmağı planlaşdırdığını deyiblər. Dövlətin kiçik forması olan ailənin ən ağır yükünü səbrlə, ləyaqətlə çəkən qadınların partiya quruculuğuna cəlb edilməsinin önəmi vurğulanıb.

Qadın funksionerlər onların işinə verilən bu qiymətə görə partiya rəhbərliyinə təşəkkür edərək daha da fəal olacaqlarına söz veriblər. Toplantının sonunda MMP sədri Hafiz Hacıyevin tövsiyələri və tapşırıqları qadın üzvlərə çatdırılıb. Rayon təşkılatlarında işin səmərəliliyinin artırmaq mıqsədi ilə metodik göstərişlər və tövsiyələr verilərək MMP Qadınlar Şurasının 2015-ci il fəaliyyət planı təsdiqlənmişdir.
Bununla da toplantı öz işini başa çatdırıb.