“Azərbaycanda nazir var ki, övladları xaricdə korteclə gəzir” - İttiham

Azərbaycan Beynəlxalq Bankının sabiq sədri Cahangir Hacıyevin həyat yoldaşı Zamirə Hacıyevanın Londonda 16 milyon funt sterlinqi necə və hara xərclədiyi bəlli olub.

Bu barədə GÜNpress.az-a açıqlama verən MMP sədri Hafiz Hacıyev deyib ki, bu gün Azərbaycanda oğurlamayan vəzifəli, səlahiyyətli şəxs yodur. Onun sözlərinə görə, Zamirə Hacıyeva da onlardan biridir:
“Təəssüf ki, məmurların böyük əksəriyyəti talançılıqla məşğuldurlar. Zamirə Hacıyeva da indi Azərbaycanın pulunu İngiltərədə göyə sovurur. Kafedə bir nahara o qədər pul xərcləyir. O yemək deyil, məzələnməkdir. Burada əsas məsələ odur ki, həmin banka nəzrət olmayıb. Bu sahəyə baxan nazir nə işlə məşğul olub, niyə buna nəzarət etməyib? Bu suala hələ də cavab verən yoxdur. Azərbaycanda nazir var ki, övladları xaricdə korteclə gəzir. Eləsi var ki, polisi döyürü, qalmaqal yaradır. Yəni, bütün bunlar qudurğanlığın əlamətidir”.


Partiya sədri onu da deyib ki, ölkədən bu qədər vəsaitin çıxarılmasına şərait yaradan, göz yuman məmurlar sərt şəkildə cəzalandırılmalıdır:
“Xaricə məcburiyyətdən müalicə üçün gedəndən cibimizdə 100 dollar apara bilmirik, amma bu adamların hərəsi milyardları aparıblar. Necə oldu ki, milyardları bir qadın apardı? Orda özünə cah-cəlal qurdu. Bu da onu göstərir ki, onlara şərik adamlar. Yoxsa bu işi təkbaşına görmək olmaz. Heç olmasa, bundan sonra imkan vermək lazım deyil ki, xalqın sərvətini hrə bir tərəfə dartıb aparsın. Son illər Ziya Məmmədov, Eldar Mahmudov, Səlim Müslümov işdən çıxandan sonra hərəsinin milyardları mənimsədiyi bilindi, amma hələ də gözün üstə qaşın var deyilmədi. Ölkəni dağıdıblar, bircə maketi qalıb. Keçmiş rabitə naziri Əli Abbasov özü deyirdi ki, mənim aylıq paketim 300 mindir. Yəni, bu qədər fakt ortadadır, amma tədbir görülmür.
Amma unutmasınlar ki, zaman gələcək, bunların hesabatı sorulacaq. Ölkə başçısı islahatlara başlayıb, bunlara qarşı mübarizə aparır. Bu mübarizə də biz də ona dəstək verəcəyik”.