«Karvan» Ticarət Mərkəzində yenidən güclü yanğın, 1 nəfər öldü, 5 nəfər xəsarət aldı

Bu dəqiqələrdə Sumqayıtda yerləşən tanınmış sahibkar Ağamirzə Əhədova məxsus olan «Karvan» Ticarət Mərkəzində yenidən yanğın baş verir.

Mia.az-ın hadisə yerində olan müxbirinin verdiyi məlumata görə, yanğın mərkəzin bir hissəsində qəfildən güclü şəkildə başlayıb: «Hazırda yanğının başladığı hissədə mərkəzin 1 və 2-ci mərtəbəsi tamamilə yanıb. Ayaqqabı mağazası və digər bir neçə mağazalar kül olublar. Şahidlər deyirlər ki, yanğın qəfil başlayıb və qısa zaman ərzində ətrafı alov bürüyüb. Hazırda əraziyə 20-dək yanğınsöndürənlər gəlib və yanğının daha geniş ərazini əhatə etməsinin qarşısını almağa çalışırlar».

Müxbirimiz bildirir ki, hələki yanğının qarşısını almaq mümkün olmayıb. Mərkəzdə mağaza sahibləri həyəcanla mallarını çıxarmağa başlayıblar. Bu isə əhazidəki vəziyyəti daha da gərginləşdirir.

Hadisə və onun təfərrüatları ilə bağlı Mia.az-ı izləyin. Onu da qeyd edək ki, «Karvan»da bir müddət əvvəl də güclü yanğın olub.

***

Müxbirimiz xəbər verir ki, yanğın artıq 4-cü mərtəbəni də öz ağuşuna alıb. Sahibkarlar mallarını çıxara bilmirlər. Polis əraziyə kənar adamları və sahibkarları buraxmır. Amma içəridə adam olduğu da bildirilir...

***

Mia.az-ın əməkdaşı məlumat verir ki, yanğın "Karvan"ın keçmiş deputat Nizami İsgəndərovun obyektinə yaxın hissəsindən başlayıb. Yanğının ətraf obyektlərə keçməməsi üçün əraziyə yeni qüvvələr cəlb olunsa da, yanğının nəzarətə götürmək hələ də mümkün olmayıb...

***

21.49. Yanğın hələ də davam edir. Fövqəladə Hallar Nazirliyinini Dövlət Yanğından Mühafizə Xidmətinin qüvvələri bütün gücü ilə yanğnı kontrola almağa çalışırlar. İlkin məlumata görə, yanğın mərkəzə və orada olan mağazalara cox ciddi məbləğə əhatə edən zərər vurub. Yanğının hələ də davam etməsi isə bu zərərin daha da artacağından xəbər verir.

Müxbirimiz onu da bildirir ki, hadisədə xəsarət alan və ya ölənlər haqda şaiyələr dolaşsa da, hələ ki bu haqda rəsmi xəbər verilmir...

***

21.56. Müxbirimiz xəbər verir ki, hadisə yerində olan sahibkarlar yanğının qəsdən törədilməsindən danışırlar. Ancaq bu iddia rəsmən təsdiqlənməyib...

***

Bu dəqiqələrdə yanğın tam nəzarətə altına alınıb. Demək olar ki, yanğının daha geniş ərazini əhatəyə almasının qarşısı kəsilib. Dövlət Yanğından Mühafizə Xidmətinin qüvvələri yanğını söndürmək üzrədirlər...

****

22.20.

Hadisə yerində olan müxbirimiz məlumat verir ki, əraziyə nəzarət edən polsilər yanğın zamanı içərdən çıxıb qaçmaq istəyən iki nəfəri yaxalayıb. Bu barədə müxbirimizlə söhbət edən sahibkar deyib ki, saxlanılanlar yanğın qəsdən törədənlər olub.

***

Son rəsmi məlumata görə, yanğında 1 nəfər tüstüdən boğularaq ölüb. Amma hələ də onun meyitini hadisə yerindən şıxarıla bilməyiblər. Bunu hadisə yerində jurnalistlərə açıqlama verən nazir müavini (FHN) Etibar Mirzəyev deyib. O, 5 nəfərin də zəhərləndiyini və onların xəstəxanaya qaldırıldığını bildirib.