Prezident maliyyə nazirinə tapşırıq verdi-SƏRƏNCAM

Bu gün Prezident İlham Əliyev yeni sərəncam imzalayıb.

Gunpress.az xəbər verir ki, sərəncam Zığ gölünün ekoloji vəziyyətinin yaxşılaşdırılması ilə bağlı tədbirlərdən bəhs edir.

Sərəncamda bildirilir:

1. Bakı şəhəri ərazisində yerləşən Zığ gölünün ekoloji vəziyyətinin yaxşılaşdırılması ilə bağlı mühəndislik və layihələndirmə işlərinin görülməsi, gölün mühafizəsinin təşkili və ətraf mühitə təsirinin qiymətləndirilməsi sənədinin hazırlanması məqsədi ilə Azərbaycan Respublikası Prezidentinin ehtiyat fondundan Azərbaycan Respublikasının İqtisadiyyat və Sənaye Nazirliyinə ilkin olaraq 2,0 (iki) milyon manat vəsait ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində nəzərdə tutulmuş məbləğdə maliyyələşməni müəyyən olunmuş qaydada təmin etsin.