134 saylı marşrutun özbaşınalıqlarına göz yumulur - Sahibkardan iddia

Dövlət Avtomobil Nəqliyyatı Xidmətinin (DANX) tabeliyində olan 592 nömrəli müntəzəm marşrut xətti üzrə çalışan sürücülər 15 gündən çoxdur ki, 134 saylı avtobusların təhlükəsi ilə üzləşirlər.

Bu barədə REYD-ə daxil olan şikayətində 592 saylı marşurutun aidiyyatı şəxsi məlumat verib. Şikayətdə bildirilir ki, yollarda "at oynadan” necə gəldi ictimai nəqliyyatı idarə edən və sərnişinlərlə istədiyi kimi rəftar edən sürücülərdən biri adını bildirmək istəməsə də, onlara bu formada işləmələri barədə havadarları tərəfindən tapşırığın verildiyini bildirib. Əslində 134 saylı marşurut xətdinin sxemi Fatmayı bağlarından başlamaqla, Mehdiabad və Rəsulzadə qəsəbələrini keçməklə "Azadlıq prospekti” metrostansiyasında tamamlanmalıdır. İndiki halda bu marşurut öz trayektoriyasından çıxır. Belə ki, Fatmayı bağlarından hərəkətə başlayan 134 saylı avtobuslar, Mehdiabad qəsəbəsindən qeyri-qanuni olaraq Binəqədi qəsəbəsinin mərkəzi, Baş Dövlət Yol Polisi İdarəsi və Xırdalan dairəsindən keçir. Bu da uzun illər Goradil – Fatmayı – Mehdiabad - Binəqədi mərkəz - Baş Dövlət Yol Polisi idarəsi - Xırdalan dairəsi -Xırdalan şəhəri marşrut xətdi üzrə işləyən 592 saylı marşurutun yolunun 95 faizini təkrarlayır. 95 faizinin təkrarlamasını Görədil – Fatmayı – Mehdiabad- Binəqədi mərkəz - Baş Dövlət Yol Polisi idarəsi Xırdalan dairəsi – Bakı beynəlxalq avtovağzalı muqayisə etdikdə görmək mümkündür. Bu xətdə avtobusların çoxalması həm də tıxaclara səbəb olur. Buna baxmayaraq qanunsuz formada 134 saylı marşurutun sahibi min bir cəhdlə buna nail olmaq istəyir. Şikayətdə bu avtobusları idarə edənlərin əksəriyyətinin ictimayi nəqliyyatı idarə etmələri üçün sürücülük vəsiqəsinin olmadığı da bildirilir. Bundan başqa şikayətçi bildirir ki, 134 saylı avtobusun sürücüləri yollarda qaydaları pozur və 592 saylı avtobusların qarşısına çıxmaqla təhlükələr törədir. Sərnişinlərə qarşı da qeyri-etik davranılır. Görünür 134 saylı marşurutun sahibi sürücülərin yollarda rahat qol-qanad açmasına və özbaşınalıqların edilməsinə özü şərait yaradır. Şikayətdə belə deyilir...

Şikayətdə o da bildirilir ki, ötən il də analoji hal yaşanıb. Tərəflər arasındakı mubahisə məhkəmə orqanlarına qədər yüksəlib və nəticədə 592 saylı marşurutun rəhbərinin üzləşdiyi haqsızlığa hüquqi müstəvidə cavab verilib.134 saylı marşurut xəttinin sözügedən yolu təkrarlanmamasıyla bağlı xitam verilib. Görünür 134 saylı marşurutun havadarı qanunu özünün şəxsi nüfuzundan istifadə etməklə zərərsizləşdirməyə cəhd edir. Haqsızlıqla üzləşən 592 saylı marşurutun rəhbərliyi məsələnin adidiyyatı qurumlar tərəfindən ədalətli formada çərçivəyə alınmasını istəyir. Unutmayaq ki, şah qanun deyil, qanun şahdır.